Bir jylda 27,7% ósken.
Ulttyq statısıka búrosy Qazaqstanda ótken jyldarda qaıtalama turǵyn úı baǵasy 27,7%-ǵa óskenin jazdy, dep habarlaıdy Almaty-akshamy.kz.
«Bir jylda qaıtalama naryqtaǵy páterlerdiń baǵasy (2022 jyldyń sáýirinen 2021 jyldyń sáýirine deıin) 27,7%-ǵa, jańa turǵyn úıdi satý 20,3%-ǵa ósti», delingen statısıka búrosy taratqan habarlamada.
Bıyl sáýirde jaıly turǵyn úıdi jalǵa alý aqysy da byltyrǵy sáıkes aımen salystyrǵanda 22,2%-ǵa ósti.
Ulttyq statısıka búrosynyń málimetinshe, turǵyn úı naryǵynda baǵanyń ósýi besinshi jyl qatarynan baıqalyp otyr. Baǵanyń tómendeýi tek 2016 jyly boldy. Sol jyly naryqta jańa turǵyn úı baǵasy 3,6%-ǵa, 2017 jyly qaıtalama naryqtaǵy sharshy metrdiń baǵasy 1,6%-ǵa arzandady.
Bir aıda sáýirden naýryzǵa deıin páterlerdi qaıta satý baǵasy 1,8%-ǵa ósip, qaıtalama naryqta turǵyn úıdiń sharshy metri 459 137 teńge boldy.
Jańa turǵyn úıdi satý jáne jaıly turǵyn úıdi jalǵa alý baǵasy 2022 jylǵy sáýirde ótken aımen salystyrǵanda 0,8%-ǵa ósip, tıisinshe bir sharshy metr úshin 412 315 teńge boldy.