Úkimet otyrysynda Qazaqstandyqtardyń temeki shegý men ishimdik ishý statısıkasy belgili boldy
Bul týraly elimizdiń bas dárigeri Ajar Ǵınaıat Dúnıejúzilik densaýlyq saqtaý uıymynyń zertteý derekterine súıene otyryp baıandady, dep habarlaıdy Almaty-akshamy.kz
Elimizdiń bas dárigeri bul týraly Úkimet otyrysynda málimdedi. Zertteý nátıjesi boıynsha Qazaqstanda 15 jastan asqan eresek adamdardyń arasynda temeki shegý (GATS - 2019 jyl) – 21,5%, bul rette er adamdar arasynda 38%-dan astamy, áıelder arasynda 6,4%-y temeki shegedi.
«Sonymen, 15 jastaǵy oqýshylardyń minez-qulqyn zertteý nátıjeleri boıynsha (NVЅS – 2018 jyl) uldardyń arasynda – 10%, qyzdardyń 6%-y temeki shegedi.
Jasóspirimderdiń arasynda elektrondyq sıgaretterge degen áýestik joǵary. Osylaısha, uldardyń arasynda 15 jasynda qyzǵysh temekini tutynýshylar – 14%, qyzdardyń arasynda 6%», - dedi Ajar Ǵınıat.
Osy zertteýler boıynsha er adamdar úshin alkogóldi tutyný deńgeıi jylyna 25 lıtr, áıelder úshin shamamen 9 lıtr eken.
«Ókinishke qaraı, osy kórsetkish boıynsha Qazaqstan alkogóldik ishimdikterdi tutyný deńgeıi joǵary elderge jatady (DDU derekteri boıynsha Qazaqstan álemde 10-shy oryn alady). Kóp jaǵdaıda halyqtyń jol-kólik oqıǵalary, jaraqattar, zorlyq-zombylyqtan bolǵan ólim, ýlaný, sýǵa batý jáne t.b. sıaqty syrtqy sebepterden bolatyn ólim-jitim kórsetkishteri alkogóldik ishimdikterdi tutynýdyń saldary bolyp otyr», - dedi Ajar Ǵınıat.
Aıta keteıik, Qazaqstan Ortalyq Azıa men Eýropanyń durys tamaqtanbaıtyn 21 eliniń arasynda 9-orynda tur.