Qazaqstandyqtar tuzdy tym kóp, jemis-jıdekti óte az tutynady.
Úkimet otyrysynda Dúnıejúzilik densaýlyq saqtaý uıymynyń derekterin keltirgen QR Densaýlyq saqtaý mınıstri Ajar Ǵınıat osyndaı málimdeme jasady, dep habarlaıdy Almaty-akshamy.kz
«Dúnıejúzilik densaýlyq saqtaý uıymynyń zertteýleri boıynsha, er adamdar úshin alkogóldi tutyný deńgeıi jylyna 25 lıtrdi, áıelder úshin – shamamen 9 lıtrdi quraıdy. Ókinishke oraı, osy kórsetkish boıynsha Qazaqstan alkogóldik ishimdikterdi tutyný deńgeıi joǵary elderge jatady. Kóp jaǵdaıda jol-kólik oqıǵalary, jaraqattar, zorlyq-zombylyqtan bolǵan ólim, ýlaný, sýǵa batý sıaqty syrtqy sebepterden bolatyn ólim-jitim kórsetkishteri alkogóldik ishimdikterdi tutynýdyń saldary bolyp otyr», - dedi Ajar Ǵınıat.
Sonymen qatar, ol qazaqstandyqtar arasynda tuzdy taǵamdy paıdalaný deńgeıi tym joǵary ekenine alańdaýshylyq bildirdi.
«Dúnıejúzilik densaýlyq saqtaý uıymy usynǵan norma boıynsha halyq taǵam quramynda táýligine 5 gram tuz tutynýy qajet. Qazaqstanda bul kórsetkish 18 gram ekenin atap ótkim keledi. VI Ulttyq ómir saltyn zertteý derekteri boıynsha, kókónister men jemisterdi tutyný táýligine 200-230 gramdy quraıdy. Al Dúnıejúzilik densaýlyq saqtaý uıymy usynǵan norma boıynsha, táýligine 400-500 gramdy quraý kerek. Qazaqstan Ortalyq Azıa men Eýropanyń durys tamaqtanbaıtyn 21 eliniń arasynda 9-shy orynda tur», - dedi mınıstr.