Óńdeletin aýmaq shekaralaryna «Kenege qarsy óńdeý júrgizilýde» jazýy bar eskertý taqtalary ornatylady.
Almatyda búgin kenege qarsy dezınfeksıalyq óndeý jumystary bastaldy, dep habarlaıdy Almaty-akshamy.kz Almaty arnasyna silteme jasap.
Almaty qalasynda 2022 jylǵy 05 sáýirden jalpy aýdany 2424,54 ga bolatyn ormandy jáne qala saıabaqtarynda, skverlerinde kenelerge qarsy dezınseksıalyq óńdeý jumystarynyń 1 kezeńi bastalady. Óńdeý jumystarymen 8 ormandy (kólemi - 1904,924 ga) jáne 144 qala saıabaqtary, skverleri (kólemi – 519,616 ga) qamtylady jáne aýa raıyna baılanysty (qurǵaq, jaýyn-shashynsyz kúnderi) kestege sáıkes 2022 jylǵy 5 sáýirden 5 mamyrǵa deıin júrgiziledi. Kene ensefalıtine qarsy kúrestiń nátıjesi sapaly bolýy úshin óńdeý jumysy eki kezeńde júrgiziledi (2 kezeń - mamyr, maýsym aılarynda).
Dezınseksıalyq is-sharany qalalyq sanıtarıalyq-epıdemıologıalyq baqylaý qyzmetiniń mamandarynyń tikeleı baqylaýymen «Almaty qalasynyń dezınfeksıa ortalyǵy» fılıaly atqarady. Jasqtalǵan dezbrıgadalar qajetti quraldarmen, kóliktermen jáne jeke bas qorǵanysh zattarymen jabdyqtalǵan. Kene ensefalıtine qarsy dezınseksıalyq óńdeý jumystaryn júrgizý úshin «Favorıt» akarısıdtik preparaty qoldanylady. Preparat az ýytty jáne qaýipti emes sanatyna jatqyzylady (3-4 klass). Kenelermen kúresý úshin qoldanylatyn dozalar eń az jáne adamdar men janýarlar úshin qaýipsiz bolyp tabylady. Óńdeý jumystary tańerteńgilik saǵattarda júrgiziledi. Óńdeletin aýmaqtardyń shekaralarynda «Kenege qarsy óńdeý júrgizilýde» eskertý habarlamalary bar taqtalar ornatalady.
Qala turǵyndary tómende kórsetilgen saqtyq sharalaryn saqtaý qajet:
- akarısıdty preparattyń eritindisin denege nemese kıimge tıgizip almas úshin, kenege qarsy dezınseksıalyq óńdeý jumystary júrgizilgen jerlerden qashyqtaý júrý kerek;
- jerdegi shashyratqan preparat kepkenge deıin úı janýarlaryn óńdeý jumystary júrgizilgen jerlerge jibermeý kerek;
- óńdeý jumystary júrizilgen jerlerden 40 kún boıy sańyraýqulaq, shóp nemese jıdekterdi jınaýǵa jáne paıdalanýǵa bolmaıdy;
- turǵyndar men qonaqtar kenelerge qarsy óńdeý júrgizý kezinde jáne odan keıingi 3 kúnde qala saıabaqtary men skverlerge, tabıǵat aıasyna barmaý kerek.