Jyl basynan beri 98,8 myń otbasyndaǵy 517,9 myń adamǵa ataýly áleýmettik kómek taǵaıyndaldy.
QR Eńbek jáne halyqty áleýmettik qorǵaý mınıstrliginiń málimetinshe, bıyl osy maqsatqa búdjetten 67,3 mlrd teńge bólindi, dep habarlaıdy Almaty-akshamy.kz.
AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.
Osy jyldyń 1 qańtarynan bastap kepildendirilgen áleýmettik toptama kómektiń tabıǵı nysanynan, monetızasıalaý formatyna qosymsha tólem túrine 1 jastan 6 jasqa deıingi balalardy qosa alǵanda 1,5 AEK mólsherine (2023 jyl – 5175 teńge) aýystyryldy.
2023 jylǵy 1 shildedegi jaǵdaı boıynsha AÁK alýshylar qataryndaǵy 1 jastan 6 jasqa deıingi balalardy qosa alǵanda – 157,9 myń balaǵa qosymsha tólem taǵaıyndaldy.
Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, aýyl okrýginiń ákimine sondaı-aq egov.kz elektrondy úkimet portaly arqyly bere alady.