Úkimettiń baǵalardy belgileý týraly buıryqtary kúshine endi.
Qazaqstanda bólshek saýdada satylatyn munaı ónimderiniń tizimi men shekti baǵalary bekitildi, dep habarlaıdy Almaty-akshamy.kz.
2022 jylǵy 14 shildede QR Energetıka mınıstrliginiń munaı ónimderiniń tizbesin bekitý, sondaı-aq munaı ónimderin bólshek saýdada ótkizýge shekti baǵalardy belgileý týraly buıryqtary kúshine endi.
«Qostanaı jáne Soltústik Qazaqstan oblystarynda AI-92 jáne Aı-93 markaly benzınniń shekti baǵasy lıtrine 187 teńgen, Qazaqstannyń basqa oblystarynda baǵa burynǵy deńgeıde - lıtrine 182 teńgeni quraıdy», - delingen QR Energetıka mınıstrliginiń baspasóz qyzmeti taratqan habarlamasynda.
Vedomstvonyń aqparaty boıynsha, eki oblysta baǵany túzetý bólshek saýda satýshylarynyń munaı ónimderin óndirýshi zaýyttardan alystyǵyna baılanysty logıstıkalyq shyǵyndarmen baılanysty.
Sondaı-aq munaı ónimderi tizbesinen Aı-95 markaly benzınniń baǵasyn memlekettik retteý alynyp tastaldy. Óıtkeni Aı-95+ jáne odan joǵary óndirý kezinde qymbat turatyn ımporttyq qospalar men benzınderdiń joǵary oktandy komponentteriniń úlken shyǵyny talap etiledi. Importtyq qospalardyń baǵasy munaı baǵasymen jáne valúta baǵamymen baılanysty.
Buıryqqa sáıkes dızel otynyna shekti baǵalar ózgermeıdi jáne Qazaqstannyń barlyq óńirlerinde burynǵy deńgeıde qalady: Aqmola, Aqtóbe, Shyǵys Qazaqstan, Batys Qazaqstan, Qostanaı, Soltústik Qazaqstan oblystarynda, sondaı-aq Abaı oblysynda baǵa lıtrine 260 teńgeni quraıdy, al Nur-Sultan, Almaty, Shymkent qalalarynda, Almaty, Atyraý, Jambyl, Qaraǵandy, Qyzylorda, Pavlodar, Túrkistan, Mańǵystaý oblystarynda, sondaı-aq Jetisý, Ulytaý oblystarynda - lıtrine 230 teńge.
Buıryq jobalary «Ashyq NQA» saıtynda 8 shildege deıin onlaın-talqylaý úshin jarıalandy.