Azıa jastarynyń keńesi - Qazaqstan jastary úshin paıdaly ári tıimdi alań.
Azıadaǵy ózara is-qımyl jáne senim sharalary keńesi Jastar keńesiniń 5-shi otyrysynda qurylym hatshylyǵynyń atqarýshy dırektory Qaırat Sarybaı osylaı dedi. Elorda tórindegi alqaly jıynǵa Katar, Iordanıa, Izraıl, Palestına, Ózbekstan, Reseı, Taıland sekildi 15-ke jýyq memlekettiń ókilderi qatysty, dep habarlaıdy Almaty-akshamy.kz.
Basqosýda Azıa qurlyǵyndaǵy stýdentter almasý, jumyspen qamtý, jastardy teris dinı aǵymdardan qorǵaý, sýısıd, esirtkige táýeldiliktiń aldyn alý syndy ózekti máseleler qaraldy.
«Jastar óziniń saıasatyn mádenı túrde, Parlament jolymen, saıasat jolymen qalaı júrgize alady.? Qalaı ony alǵa tarta alady? Osy máseleler boıynsha TúrikPA jastar qanatynyń ókilderi túrik halyqtarynyń tájirıbesimen bólisedi», - dedi Azıadaǵy ózara is-qımyl jáne senim sharalary keńesi hatshylyǵynyń atqarýshy dırektory Qaırat Sarybaı.
Qazaqstan qazir jańa jastar saıasatyn qalyptastyryp jatyr. Halyqaralyq tájirıbege súıenip, utymdy tustaryn paıdalaný mańyzdy. Osy rette Jastar keńesiniń róli zor. Sebebi, qurylym Azıadaǵy beıbitshilik pen qaýipsizdikti nyǵaıtýda belsendi jumys istep keledi. Qazirgi geosaıası jaǵdaıda keńese otyryp, ortaq sheshim qabyldaý mańyzdy, deıdi qatysýshylar. Delegattar Azıadaǵy ózara is-qımyl jáne senim sharalary keńesine qarasty, jastar uıymdarymen dıalog pen áriptestik qatynastaryn jandandyrýǵa múddeli.