Jańa dúnıe!
Qazaqstanda jańa +997 nómirli def kod belgilendi. Sol sıaqty endigi ýaqytta elimizden syrtqa qońyraý shalǵanda sheteldegi adamnyń telefonynda «Qazaqstan» dep shyǵyp turady, dep habarlaıdy Almaty-akshamy.kz QazAqparat saıtyna silteme jasap.
Atalǵan jańashyldyq týraly QR Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın málim etti.
«Jaqsy jańalyq! BUU janyndaǵy halyqaralyq elektr baılanys odaǵy Qazaqstanǵa jańa +997 def kodyn belgiledi. Endi bizdiń elden basqa memleketke qońyraý shalǵanda, sheteldikterdiń telefonynda Qazaqstan degen jazý shyǵady. Sondaı-aq halyqaralyq deńgeıdegi sıfrly servısterdi qoldanǵanda da, barlyq jerde Qazaqstan degen sıgnal shyǵady», - dep jazdy Baǵdat Mýsnn óziniń Facebook paraqshasynda.
Mınıstrdiń aıtýynsha, qazirgi ýaqytta tıisti qujattar rásimdelip, jańa kodqa kóshý boıynsha is-sharalar atqarylyp jatyr.
«Kezinde KSRO taraǵanda, +7 halyqaralyq telefon kody eki elge birdeı bekitilgen bolatyn. Biz Qazaqstanǵa ǵana tıesili halyqaralyq kodqa qol jetkizý úshin byltyrdan beri telekomýnıkasıa salasyndaǵy kompanıalarmen birge jan-jaqty jumys júrgizip kelemiz. Osy kelissózderdiń nátıjesinde bizdiń elge derbes +997 kody bekitildi», - deıdi vedomstvo basshysy.