Órtti sóndirýge 40 maman men 14 birlik tehnıka jumyldyryldy
Almatydaǵy «Qazyna» bazarynda halyq tutyný taýarlary saqtalǵan eki qabatty birneshe konteıner órtenip ketti, dep habarlaıdy dep habarlaıdy Almaty-akshamy.kz Almaty telearnasynyń saıtyna silteme jasap.
Qalalyq TJD baspasóz qyzmetiniń málimetinshe, órt týraly habarlama búgin túski saǵat 12:14-te túsken.
«Almaty qalasy TJD kúshteri men quraldary joǵary dárejeli shaqyrtý boıynsha Alataý aýdany, Soltústik aınalym, 34 mekenjaıyndaǵy «Qazyna» saýda ornyna jiberildi. Órt sóndirýshiler oqıǵa ornyna 6 mınýtta jetti. Olar jalpy alańy 120 sharshy metr aýmaǵynda materıaldyq qundylyqtary bar birneshe eki qabatty konteınerdiń janyp jatqanyn anyqtady. Órttiń jaqyn mańynda ornalasqan konteınerlerge kóshý qaýpi týyndady», – delingen qalalyq TJD habarlamasynda.
Alǵashqy bólimshe barlaý barysynda «sý az qamtylǵan» aýdan týraly habarlaǵan, sondyqtan órt sóndirý avtosısternalarymen sý jetkizý jumystary dereý uıymdastyrylyp, sý úzdiksiz berilip úlgergen.
«Oqıǵa ornynda Jedel shtab, 2 jaýyngerlik ýchaske quryldy. 40 maman men 14 birlik tehnıka jumyldyryldy. Jol polısıasynyń kúshimen jol qorshaldy», – delingen habarlamada.
Shuǵyl qabyldanǵan sharalardyń arqasynda órt 18 mınýtta oqshaýlandy.