Elimizde satý kólemi boıynsha Chevrolet pen Hyundai kólikteri kósh bastap keledi.
Álemdik avtomobıl naryǵynda tamyz aıynda 6,9 mıllıon jańa avtomobıl satyldy. Bul ótken jylmen salystyrǵanda 18%-ǵa artyq. Qazaqstanda jańa avtokólikterdi satý, óz kezeginde, ótken jyldyń tamyzymen salystyrǵanda birden 25,4%-ǵa ósti, dep habarlaıdy Almaty-akshamy.kz Elorda.info-ǵa silteme jasap.
Sońǵy jarty jylda álemde 52,4 mln jańa avtokólik satyldy. Bul ótken jyldyń sáıkes kezeńimen salystyrǵanda 3,8%-ǵa az. Qytaı satylym boıynsha kóshbasshy bolyp tabylady, onda shamamen 17 mıllıon jańa avtomobıl satyldy. Odan keıin AQSH ekinshi orynda tur, onda 9 mıllıonnan astam jańa avtokólik satyldy.
Tamyz aıynda satýdyń jyldyq ósimi Brazılıa men Argentınada (22%), Ispanıada (9,1%), AQSH-ta (3,9%), Fransıada (3,8%), Germanıada (3%), Ulybrıtanıada (1,2%) jáne Ońtústik Koreıada (0,2%) tirkeldi. Japonıa men Kanadada, óz kezeginde, jańa avtomobılderdi satý 2021 jyldyń tamyzymen salystyrǵanda sáıkesinshe tómendedi.
Qazaqstanda jańa avtokólikterdi satý segiz aıda 75 myń birlik tehnıkany qurady, ótken jyldan 1,5%-ǵa az.
Tamyz aıynda elimizde satý kólemi boıynsha Chevrolet (3,9 myń avto) jáne Hyundai (2,2 myń) brendteri kósh bastap keledi, olardyń úlesine barlyq satylǵan jańa avtomobılderdiń 53,3%-y tıesili boldy. Odan keıin Kia (1,5 myń), Toyota (998) jáne Lada (592) avtokólikteri.