Abe myrza 8 shilde kúni óltirilgen bolatyn.
Tokıoda júzdegen adam Japonıanyń burynǵy Premer-Mınıstri Sındzo Abeniń memlekettik jerleý rásimin ótkizýge qarsylyq bildirip, kóshege shyqty, dep habarlaıdy Almaty-akshamy.kz RIA Novostıge silteme jasap.
Aksıaǵa qatysýshylardyń kóbi «Memlekettik jerleýge qarsy!», «Jerleý rásiminen bas tartyńyz!» dep jazylǵan plakattarmen shyqty, dep habarlaıdy RIA Novostı. Ázirge qamaýǵa alynǵandar týraly habar joq.
Halyq kóshege marqum bolǵan eks-premerdi eske alý úshin de shyqqan. Memleket azamattary gúl shoqtaryn Kýdanzaka saıabaǵynda ornatylǵan qurbandyq shalatyn jerlerge ákeldi. Ol jerleý rásimi ótetin Býdokan (jekpe-jek óneri úıi) arenasyna jaqyn jerde ornalasqan, dep habarlaıdy Kyodo. Saltanatty sharada qaýipsizdikti 20 myńǵa jýyq polıseı qamtamasyz etedi.
Abe myrza ústimizdegi jyldyń 8 shildesinde mıtıńide sóılep turǵan kezde óltirilgen bolatyn. Oǵan oq atqan 41 jastaǵy Tesýıa Iamagamı qamaýǵa alynǵannan keıin saıasatkerdi ne sebepten óltirgenin aıtqan. Onyń aıtýynsha, Sındzo Abeden «Birlik shirkeýi» dinı uıymymen baılanysy bolǵan, sol sebepten saıasatker onyń otbasyn qurtqany úshin kek alǵysy kelgen.
Qazaqstan atynan jerleý rásimine Memleket basshysynyń tapsyrýymen Premer-Mınıstrdiń orynbasary - QR Syrtqy ister mınıstri Muhtar Tileýberdi qatysady.
