Janýardyń ólimine ákelip soqqan jaǵdaılar úshin qatań jaýapkershilik júkteledi. Kináli tulǵaǵa 200 aılyq eseptik kórsetkish kóleminde aıyppul salynady, dep habarlaıdy almaty-akshamy.kz
Qylmysty eki qaıtara jasaǵandar 1 jylǵa deıin bas bostandyǵynan aıyrylady. Bul týraly Ekologıa, geologıa jáne tabıǵı resýrstar mınıstrligi habarlady. Qazir elde «Janýarlarǵa jaýapkershilikpen qaraý týraly» zań jobasy Parlamentte qaralyp jatyr.
Usynylǵan zań jobasy janýarlarǵa qatysty jaǵymsyz jaǵdaılarǵa tosqaýyl qoıady. Mundaıǵa ıtterdiń tóbelesin ótkizý, anestezıasyz veterınarlyq operasıa jasaý, álsiretý jáne ýaqytyly kómek kórsetpeý, qatygezdikpen óltirý syndy áreketter kiredi.
Sondaı-aq ıt, mysyq, totyqus jáne tyshqandardyń eti men maıyn paıdalanýǵa, jeýge alǵash ret zań boıynsha tyıym salynbaq.