Qasym-Jomart Toqaev Azıya damu bankíníń prezıdentí Masatsugu Asakavany qabyldady
Beınebaılanys rejımínde ótken kezdesu barysynda Qazaqstan men Azıya damu bankí arasyndaǵy yntymaqtastyqtyń perspektıvalary talqylandy, dep habarlaıdy almaty-akshamy.kz
Qasym-Jomart Toqaev Masatsugu Asakavany qarjy ınstıtutynyń basshysy lauazymyna saılanuymen qūttyqtap, Azıya damu bankíníń Qazaqstannyń áleumettík-ekonomıkalyq damuyna qosqan úlesín joǵary baǵalady.
– 27 jyl íshíndegí yntymaqtastyq ayasynda Azıya damu bankí Qazaqstannyń ekonomıkasyna 6 mıllıard dollarǵa juyq ınvestıtsıya qūıdy. Būl qarjy aıtarlyqtaı qomaqty jáne yntymaqtastyǵymyzdyń tabysty damyǵanyn aıǵaqtaıdy. Aradaǵy yntymaqtastyqty joǵary baǵalaımyz jáne ūzaq merzímdí árí ózara tıímdí baılanystardy qoldauǵa nıettímíz, – dedí Memleket basshysy.
Sondaı-aq kezdesude 2022-2026 jyldarǵa arnalǵan Qazaqstan men Azıya damu bankí arasyndaǵy seríktestíktíń jańa Strategıyasyn ázírleu máselesíne erekshe mán beríldí.
– Azıya damu bankíníń Qazaqstanǵa qatysty jańa Strategıyasynda bízdíń ūlttyq basymdyqtarymyz ben josparlarymyz, sondaı-aq memlekettík basqarudyń jańa úlgísí, ekonomıkany ártaraptandyru jáne jasyl ekonomıkalyq ósím, teńgerímdí aumaqtyq damu, sauda-ekonomıkalyq yntymaqtastyq, tsıfrlandyru máselelerí tolyq eskeríletíníne senímdímín, – dedí Qasym-Jomart Toqaev.
Qazaqstan Prezıdentí Azıya damu bankíníń basshysyna elímízdegí íshkí jalpy óním deńgeıíníń artqany, ınflyatsıyaǵa qarsy qabyldanǵan sharalar, kólík-logıstıka ınfraqūrylymyn damytu, shaǵyn jáne orta bızneske kórsetílíp otyrǵan qoldau sharalary turaly aıtty.
Óz kezegínde Masatsugu Asakava Qazaqstandaǵy pandemıyaǵa qarsy qabyldanǵan sharalarǵa oń baǵa berdí.
– COVID-19 índetíne qarsy baǵyttalǵan kúsh-jígerleríńíz turaly habardarmyn. Úkímetteríńíz belsendí sharalardy júzege asyryp, vırustyń órshuín tejeu úshín naqty sheshímder qabyldap otyr. El ekonomıkasyna jáne halyqtyń ál-auqatyna kerí áser etken pandemıyanyń saldaryn jeńíldetu maqsatynda íshkí jalpy ónímníń 9,5 paıyz kólemíndegí daǵdarysqa qarsy sharalardyń auqymdy paketín qabyldaǵanyńyzdy qoldaımyz, – dedí Azıya damu bankíníń basshysy.