1 shildeden bastap elimizde ishimdik baǵasy qymbattaýy múmkin.
Ashyq NQA portalynda Qarjy mınıstriniń bólshek saýdada ótkizý úshin araqqa qoıylatyn shekti baǵany kóterý týraly buıryǵynyń jobasy jarıalandy, dep habarlaıdy Almaty-akshamy.kz
Oǵan saı, 1 shildeden bastap 30 qyrkúıekke deıingi aralyqta ishimdikterdiń bólshek saýdadaǵy eń tómengi quny bylaı belgilendi:
– araqtar, kúshtiligi joǵary lıker-araq buıymdarynyń bir lıtri – 1 980 teńge.
– konák pen brendıdiń bir lıtri – 2 930 teńge.
Al 1 qazannan ishimdiktiń eń arzan baǵasy kelesideı bolmaq:
– araqtar, kúshtiligi joǵary lıker-araq buıymdarynyń bir lıtri – 2 100 teńge;
– konák pen brendıdiń bir lıtri – 3 110 teńge.
Qarjy mınıstriniń buıryǵy 26 maýsymǵa deıin kópshilik talqylaýda bolady. Keıin qol qoıý úshin vedomstvo basshysyna joldanady. Sodan soń, ıaǵnı 1 shildeden kúshine enedi.