Almatyda Mudarabah Capital qarjy pıramıdasyn qurý jáne basqarý faktisi boıynsha sot prosesi jalǵasyp jatyr.
Daýly is onlaın rejımde qaraldy, dep habarlaıdy Almaty-akshamy.kz.
«Habar 24» arnasynyń aqparaty boıynsha, aıyptalýshylar qatarynda barlyǵy 12 adam, onyń ishinde vaınerler Meıirjan Tórebaev pen Meıirhan Shernıazov bar. Taǵy bir vaıner Ázimjan Saıdbaev áli izdestirilip jatyr.
Prokýror sottan Tórebaev pen Shernıazovqa taǵylǵan aıyptardan uıymdasqan qylmystyq toptarǵa qatysy týraly bapty alyp tastaýdy, biraq qarjy pıramıdasy baby boıynsha aıyptaýlardy qaldyrýdy surady. Al qalǵandaryna qarjylyq pıramıda qurdy jáne uıymdasqan qylmystyq topqa qatysty degen bastapqy aıypty qaldyrdy.
Sottalýshylardyń arasynda Mudarabah Capital-dyń bas dırektory Rýslan Burqanov ta bar. Prokýror ony 8 jyldan 12 jylǵa deıin bas bostandyǵynan aıyrýdy surady. Aıyptalýshylar kinási dáleldense, jazasyn ortasha qaýipsizdiktegi túzeý mekemesinde óteıtin bolady. Al vaınerler Tórebaev pen Shernıazov 5 jylǵa bas bostandyǵynan aıyrylýy múmkin.