Memleket basshysy úsh jyl ishinde AÓK-tegi óńdelgen ónimniń úlesin 70%-ǵa deıin jetkizý mindetin qoıdy.
Osy tapsyrma sheńberinde óńirlerde agroónerkásiptik keshenniń shıkizattyq baǵytynan ınvestısıalyq jobalardy iske asyrý arqyly aýyl sharýashylyǵy ónimderin qaıta óńdeýdi damytýǵa kóshý boıynsha jumystar júrgizilýde, dep habarlaıdy aqshamnews.kz Aýyl sharýashylyǵy mınıstrligine silteme jasap.
Qostanaı oblysynda 2024 jyldyń qarasha aıynda "Mılh" irimshik óndirý zaýyty paıdalanýǵa beriledi.
Jobanyń quny 7,2 mlrd teńgeni quraıdy, tolyq qýaty iske qosylǵan kezde kásiporyn táýligine 250 tonnaǵa deıin sút óńdep, qatty irimshikterdiń 20-dan astam túrin óndiretin bolady. Óndiris qýattylyǵy jylyna 2 myń tonna irimshikti óńdeýge múmkindik beredi. 35 jańa jumys orny ashylady.
Qazirgi ýaqytta nysanda negizgi qurylys-montaj jumystary aıaqtaldy, sehtyń metal qańqasy ornatyldy, ǵımarattyń edenine stájka jasaldy, ishki árleý jumystary júrgizilýde. Nemis óndirisiniń kóptegen jabdyqtary qazirdiń ózinde ákelingen.
«Mılh» JSHS Qostanaı oblysynda 27 jyldan astam jumys isteıdi. Negizgi qyzmet túri-sútti óńdeý jáne sút ónimderin shyǵarý. Qazirgi ýaqytta kásiporynda sút ónimderiniń 150-den astam túri shyǵarylady, olardyń ishinde Qazaqstan men Reseıdiń óńirlerinde satylatyn qatty irimshikter men balmuzdaq túrindegi joǵary óńdelgen ónimder bar.
Qostanaı oblysyna SQO tájirıbesin tırajdaý jobasy aıasynda 2023 jyly qýattylyǵy 400 bastan bastalatyn sút-taýar fermalarynyń qurylysyna jeńildikpen kredıt berý úshin 15 mlrd teńge bólindi. Qurylysy josparlanǵan 6 STF-tyń bireýi paıdalanýǵa berildi.