Almatyda Janqosh Turarovtyń advokaty Samat Mamutov baspasóz máslhatyn ótkizdi. Baspasóz máslıhatynda Samat Mamutov Ánarý Qurmanálige qarsy polısıaǵa aryz bergenin málimdedi, dep habarlaıdy aqshamnews.kz
Advokattyń aıtýynsha, ınternet jelisinde Ánarý Qurmanálige qatysty taralyp jatqan beınematerıaldar boıynsha polısıa basqarmasyna tekserý júrgizý týraly aryz berilgen. Aryzdanýshy adamdardyń ústinen onyń zorlanǵany týraly aryz jazyp, aqsha alǵany jónindegi derekter boıynsha tekserý jumystary júrgizilýde. Bul derekter naqty dáleldengen jaǵdaıda resmı organdar jaýap beredi.
Sonymen qatar, Samat Mamutov ınternette taralyp jatqan beınematerıaldar men ózge de aqparattarǵa sáıkes, Ánarý Qurmanáliniń 2024 jyldyń 19 tamyzynda shamamen saǵat 22:00-de mas kúıinde Áýezov aýdandyq polısıa basqarmasyna kelip, Janqosh Turarovqa aryz bergenin aıtty. Sol jerde ol basqa adamdarmen janjaldasyp, tóbelesip, jartylaı jalańashtanyp, ózin beımaral ustaǵany týraly málimet bar. Bul derekterdi tekserý úshin polısıaǵa suranys jiberilgen, sondaı-aq, polısıa aýmaǵyndaǵy beınebaqylaý kameralarynan jazbalar alynǵan.
Advokat Mamutovtyń aıtýynsha, bul derekter rastalsa, Ánarý Qurmanálige qatysty sot-psıhologıalyq jáne narkologıalyq saraptama júrgizýge ótinish jasalady. Sonymen qatar, oǵan qatysty psıhotropty zattardy qoldaný týraly aqparat túsip jatqanyn da atap ótti.