«Atameken» ulttyq kásipkerler palatasynyń kezekten tys İH sezi ótti
Elimizde ınvestısıalyq saıasattyń jańa tujyrymdamasy ázirlendi. Bul týraly QR Premer-Mınıstri Álıhan Smaıylov málim etti, dep habarlaıdy Almaty-akshamy.kz QazAqparat saıtyna silteme jasap.
«Otandyq kásipkerler keńesimen birge ınvestısıalyq ahýaldy jáne bıznes ortany ári qaraı jaqsartýǵa baǵyttalǵan sharalar iske asyrylady. Sondaı-aq, ınvestısıalyq saıasattyń jańa tujyrymdamasy ázirlendi. Onda negizinen jeke ınvestısıalarǵa basymdyq beriledi. Bizge elimizdiń ekonomıkasyn qalpyna keltirý men damytýdyń draıveri bolatyn jobalar qajet», - dedi Álıhan Smaıylov.
Sondaı-aq, Úkimet basshysy qazaqstandyq bıznesti ulttyq ekonomıkaǵa belsendi túrde ınvestısıa salýǵa shaqyrdy.
«Al memleket óz kezeginde jekemenshiktiń jáne zań ústemdiginiń turaqtylyǵyna kepildik berýi tıis. Infraqurylym bıznestiń bárine birdeı qoljetimdi bolýy qajet», - deıdi ol.