Almaty qalasy qoǵamdyq keńesiniń múshesi, qurylys kompanıasynyń dırektory Tımýr Nurtaev QR Prezıdenti Qasym-Jomart Toqaevtyń suhbatyn kórgennen keıin óz oılarymen bólisti, dep habarlaıdy Almaty-akshamy.kz
«Men saıası ómir týraly sırek sóz etemin. Biraq el Prezıdenti Q.J. Toqaevtyń búgingi suhbaty týraly alǵan áserimdi shet qaldyrmaı, bóliskendi jón kórdim. Ákimderdiń jumysyna jan-jaqty taldaý júrgizý qajettigimen kelisemin, biraq bul rette Memleket basshysy olardy aýystyrýdy maqsat etpeıdi. Prezıdent suhbatynda óńirlerdegi qala basshylaryna qoıylatyn negizgi talap azamattardyń ál-aýqatyn arttyrý ekenin atap ótti. Qasym-Jomart Kemelulynyń almatylyq retinde bizdiń qalamyzdaǵy jaǵdaıdy qadaǵalap, jeke baqylaýynda ustaýy qýantty. Almaty qysqa merzimde qalpyna keledi dep úmittenemiz!» - dedi T. Nurtaev.