QR Premer-Mınıstri Álıhan Smaıylov bılik bıznespen birlesip jumys isteýge daıyn ekenin jetkizdi, dep habarlaıdy Almaty-akshamy.kz QazAqparatqa silteme jasap.
Úkimet basshysy Álıhan Smaıylov elordada ótip jatqan «Atameken» ulttyq kásipkerler palatasynyń kezekten tys İH sezine qatysty.
«Memleket basshysy atap ótkendeı, bılik pen bıznestiń syndarly ózara is-qımyly áleýmettik turaqtylyqtyń negizin quraıdy. Úkimet bıznespen birlese jumys isteýge daıyn. Barshańyzdy Prezıdent belgilegen mindetterdi birge iske asyrýǵa shaqyramyn. Atameken palatasynyń sheńberinde jáne jaqynda qurylǵan Úkimet janyndaǵy otandyq kásipkerler keńesiniń jumysyna belsendi atsalysý kerek», - dedi Á. Smaıylov sıeze.
Premer-Mınıstrdiń aıtýynsha, otandyq bıznesti damytýda Úkimet tarapynan qoldaý ádetinshe jalǵasady.
«Úkimet pen bıznes-qoǵamdastyqtyń ortaq kúsh-jigeriniń arqasynda ǵana jetistikterge qol jetkizýge bolady. Barlyq qıyndyqtardy eńseremiz», - deıdi ol.