Elektrondyq saýdaǵa qatysty shaǵymnyń deni taýar jáne satýshy týraly aqparattyń bolmaýy
Bul týraly QR Saýda jáne ıntegrasıa mınıstrligi tutynýshylardyń quqyqtaryn qorǵaý komıteti tóraǵasynyń orynbasary Serik Qusaıynov Egov.kz portalynda ótken ınternet konferensıada aıtty, dep habarlaıdy Almaty-akshamy.kz Egemen.kz-ke silteme jasap.
«Elektrondyq saýdaǵa qatysty shaǵymnyń deni taýar jáne satýshy týraly aqparattyń bolmaýy, taýardyń berilgen sıpattamaǵa sáıkes kelmeýi, ınternet-saıttardyń taýardy keri alyp, aqshany qaıtarýdan bas tartýyna qatysty. Sondaı-aq elektrondyq saýda boıynsha alaıaqtyq faktilerge qatysty shaǵymdar da bar. 2022 jylǵy bes aıdyń ishinde 772 ótinish nemese shaǵym kelip tústi. Bul jalpy kelip túsken shaǵymnyń 8,3% quraıdy», - dedi Serik Qusaıynov.
Onyń aıtýynsha, tutynýshylardan turǵyn úı-kommýnaldyq sharýashylyǵyna qatysty da shaǵymdar túsedi.
«Atap aıtsaq, ótinishter men shaǵymdar komýnaldyq qyzmetterdiń sapasyz kórsetilýi, tarıfterdi negizsiz kóterý, elektr energıasyn esepteý quraldaryn zańsyz tekserý jáne aýystyrýmen baılanysty. Sonymen qosa elektr jelilerin zańsyz alý jáne gaz taratý kompanıalaryna qatysty shaǵymdar jıilep ketti. Bıylǵy 5 aıda atalǵan sala boıynsha 454 ótinish nemese shaǵym tústi. Bul jalpy shaǵymnyń 5% qurap otyr. Al ótken jyly turǵyn úı-kommýnaldyq sharýashylyǵyna qatysty 408 ótinish-shaǵym túsken edi», - deıdi ol.
Sondaı-aq komıtet basshysynyń orynbasary tutynýshylardan kelip túsetin jalpy ótinish, shaǵym 2021 jylmen salystyrǵanda 2% azaıǵanyn aıtyp otyr.