Jańadan ashylǵan bul óndiriste 150 adam jumys isteıdi
Búgin Shymkent qalasynyń kúni qarsańynda "Tassaı" ındýstrıalyq aımaǵynda qorǵanys kıimderi men medısınalyq buıymdar shyǵaratyn "Ekofarm" óndiris orny ashyldy, dep habarlaıdy Almaty-akshamy.kz.
Búgingi tańda "Tassaıda" jalpy ınvestısıa kólemi shamamen 45 mıllıard teńge quraıtyn 37 joba júzege asyp jatyr.
Jalpy quny 3,4 mlrd. teńge bolatyn ınvestısıalyq jobany iske asyrý úshin "Bıznestiń jol kartasy-2020" memlekettik baǵdarlamasy aıasynda jer berilip, "Qarapaıym zattar ekonomıkasy" baǵdarlamasy aıasynda "Damý" qory arqyly sýbsıdıalanǵan.
Jańadan ashylǵan bul óndiriste 150 adam jumys isteıdi. Zamanaýı tehnologıalarmen jabdyqtalǵan óndiris ornynda jylyna 600 myń dana qorǵanysh kıiminiń 17 túri, 500 myń dana medısınalyq kıim, 20 mıllıon dana medısınalyq maska men respırator, 1 mıllıon dana medısınalyq kózildirik shyǵarylady.
Jalpy, Shymkent qalasy dári-dármek pen medısına buıymdaryn shyǵaratyn ortalyq bolyp qalyptasyp keledi.