Bul týraly QR İİM Krımınaldyq polısıa departamenti kıberqylmysqa qarsy kúres ortalyǵy basshysynyń mindetin atqarýshy Rústem Dúısetaev málim etti, dep habarlaıdy Almaty-akshamy.kz QazAqparatqa silteme jasap.
«Qazirgi tańda azamattardyń aqshasyn aldaý jolymen zańsyz ıemdený - qylmystardyń eń kóp taraǵan túri. Atalǵan qylmys túrimen kúresý - elimizdegi jáne búkil álemdegi ózekti máselelerdiń biri. Memleket basshysy ótken jylǵy Qazaqstan halqyna Joldaýynda alaıaqtyq qylmystarǵa qarsy naqty sharalar qabyldaý kerek ekenin atap ótken edi», - dedi Rústem Dúısetaev mınıstrlikte onlaın ótken baspasóz máslıhatynda.
Onyń aıtýynsha, alaıaqtar adamdardy aldaý úshin túrli amaldardy qoldanady, sol sebepten atalǵan qylmystyń sany jyldan-jylǵa kóbeıip barady.
«Internet alaıaqtyqpen kúresý jolynda mınıstrlikte tıisti sharalar qabyldanyp jatyr. Ótken jyldan bastap kıbershabýylǵa qarsy baǵdarlama iske qosyldy. Sol sekildi óńirlerde arnaıy jedel tergeý toptary quryldy. Odan bólek, ár toqsan saıyn jedel aldyn alý sharasy uıymdastyrylyp turady», - deıdi ol.