Almaty oblysynyń polıseıleri mal urysyn quryqtady
8 aqpan Aqsý APB-niń kezekshi bólimine Almaty qalasy, Alataý aýdanynyń 56 jastaǵy turǵyny Aqsý aýdany, Jańalyq aýylyna qarasty sharýa qojalyqtan 24 bas jylqy malynyń urlanyp, materıaldyq shyǵyn kelgeni týraly aryzdanǵan, dep habarlaıdy Almaty-akshamy.kz Polisia.kz-ke silteme jasap.
Atalǵan derek QR QK-niń 188-1 baby 4-bóligi 2-tarmaǵy boıynsha (mal urlyǵy) tirkelip, urlanǵan maldy izdestirý jumystary bastaldy. İzdestirý is-sharalaryna Aqsý APB-niń qyzmetkerleri jumyldyryldy.
«Júrgizilgen izdestirý sharalarynyń arqasynda joǵalǵan jylqylar Sarqan aýdanynyń aýmaǵynda ornalasqan jeke sharýa qojalyǵynan tabylyp, zańdy ıesine qaıtaryldy. Mal urlyǵy deregine qatysy bar degen kúdikpen 34 jastaǵy Sarqan qalasynyń D. esimdi turǵyny ustalyp, Aqsý aýdanynyń sotynyń qaýlysymen tergeý amaldary aıaqtalǵansha eki aı merzimge ýaqytsha ustaý ızolátoryna qamaldy», – dep habarlaıdy Aqsý APB-niń bastyǵy Dáýren Sákenov.