Oǵan elimizden, Tájikstan men Túrkimenstannan 200-ge jýyq erikti qatysýda.
Jıylǵandar Qazaqstanda sońǵy jyldary volonterlik uıymdardyń sany úsh esege artqanyn atap ótti. Eriktiler sany 4 esege ósti. Búginde elimizde 600 uıymda 200 myńnan astam volonter bar, dep habarlaıdy Almaty-akshamy.kz Qazaqtv.com saıtyna silteme jasap.
Sonymen qatar forým aıasynda birneshe baǵyt boıynsha oqytý sharalary men volonterlik aksıalar ótkizilýde. Qatysýshylar jańa birlesken jobalar jasap, halyqaralyq deńgeıde yntymaqtastyq ornatýǵa nıetti.
«Keıde keıbir qalalarda bastamashyl toptar qurylady, biraq olarǵa qoldaý kórsetilmeıdi. Olardyń qarapaıym front-ofısteri joq, ıaǵnı olar óz qarajaty esebinen ofıs jaldap, jınalýy kerek. Bul volonterlik jumys bolǵandyqtan, biz muny óz aqshamyzǵa jasaımyz. Al dál sol keńseni jalǵa alý da aqshaǵa kelip tireledi. Sondyqtan biraz ýaqyttan keıin bul toptar taraıdy, keńse joq, basqa qoldaý joq», - deıdi erikti Olesá Baımova.
«Elimizdiń tájirıbesinde kórdik, ol jumystyń qanshalyqty qajet ekenin. Ol pandemıa kórsetti jáne basqa da tabıǵı jáne tehnogendi zalaldar kezinde volonterlardyń kómekteri úlken ról atqardy. Sondyqtan bul tájirıbeni dúnıe júzine taratyp, olardan basqa da jańa jobalar alý úshin kerek. Bul forým osymen aıaqtalmaıdy. Kelesi jyly da basqa da forýmdar josparlanady», - dedi QR Aqparat jáne qoǵamdyq damý mınıstriliginiń komıtet tóraǵasy Madıar Qojahmet.