Almaty turǵyndary úshin Qazaqstan Respýblıkasynyń Konstıtýsıasyna ózgerister men tolyqtyrýlar engizý máselesi boıynsha 2022 jylǵy 5 maýsymǵa belgilengen respýblıkalyq referendým týraly aqparat beretin biryńǵaı Call-ortalyq iske qosyldy.
Call-ortalyq halyqty aqparattandyrý jáne qala turǵyndaryna referendým máseleleri boıynsha keńester berý ári daýys berý prosesine tartý úshin qurylǵan, dep habarlaıdy Almaty-akshamy.kz
Biryńǵaı Sall ortalyqqa +7 (727) 3384545 telefony boıynsha habarlasyp, ózińizdi respýblıkalyq referendýmǵa qatysýǵa quqyǵy bar azamattar tiziminen tekserýge, sondaı-aq óz ýchaskeńizdiń nómiri men mekenjaıyn naqtylaýǵa bolady.
Qońyraý shalý barysynda Call-ortalyqtyń operatorlary azamattardyń múmkindikterine, daýys berý rásimderine jáne referendým kúnindegi ýchaskelerdiń jumysyna qatysty barlyq zańnamalyq normalardy túsindiredi.
Call-ortalyq qońyraýlardy kún saıyn úzilissiz jáne demalys kúnderi, sondaı-aq daýys beriletin kúnniń sońyna deıin saǵat 8:00-den 20:00-ge deıin qabyldaıdy, open-almaty.kz saıtynda daýys berýge arnalǵan ýchaske týraly aqparat alý jónindegi Fýnksıonal qoljetimdi, qajetti aqparatty Telegram-bot @ReferendumAlmaty2022Bot arqyly da alýǵa bolady. Ózińizdi tizimderden tabý jáne málimetterdi alý úshin JSN nómirin engizý qajet.
Referendýmǵa «2022 jylǵy 6 mamyrda buqaralyq aqparat quraldarynda jarıalanǵan «Qazaqstan Respýblıkasynyń Konstıtýsıasyna ózgerister men tolyqtyrýlar engizý týraly» Qazaqstan Respýblıkasy Zańynyń jobasynda baıandalǵan Qazaqstan Respýblıkasynyń Konstıtýsıasyna ózgerister men tolyqtyrýlardy qabyldaısyz ba?» degen suraq qoıylǵan.
Prezıdent Qasym-Jomart Toqaevtyń Jarlyǵymen referendým azamattardyń erikti túrde qatysýy, oıyn erkin bildirýi, sondaı-aq jalpyǵa birdeı, teń, tikeleı jáne jasyryn daýys berý qaǵıdattary boıynsha ótedi.
Eske alsaq, respýblıkalyq referendým 2022 jyldyń 5 maýsymynda ótedi. Almatyda barlyǵy 574 saılaý ýchaskesi jumys isteıtin bolady. Tolyq aqparat Almaty ákimdiginiń saıtynda qoljetimdi.