Elimizde elektromobılder sany 10 esege ósti: ásirese, mundaı kólikter Almatyda kóp
Elimizdiń joldarynda bir jylda elektromobılder sany 10 esege ósken. Bul kólikterdiń basym bóligi Almaty qalasynda tirkelgen. Jalpy tirkelgen kólikterdiń 59 paıyzy, dep habarlaıdy almaty-akshamy.kz Energyprom.kz-ke silteme jasap.
Osy jylǵy 1 tamyzdaǵy jaǵdaı boıynsha elimizde 4,4 mln jeńil avtokólik tirkelgen. Ótken jylmen salystyrǵanda 15,2%-ǵa artyq.
«Nazar aýdararlyq jaıt, tirkelgen elektr kólikteriniń sany 10,4 esege, benzınmen júretin avtomobılder sany 14,9%-ǵa, dızeldik otynmen – 12,2%-ǵa, gaz balondarymen – 38,2%-ǵa, al aralas úlgidegi kólikter sany – 19,3%-ǵa artqan», - dep habarlaıdy sarapshylar.