Almaty polıseıleri birqatar alaıaqtyq jasaǵan Almaty oblysynyń 33 jastaǵy turǵynyn izdestirdi.
Tártip saqshylarynyń aıtýynsha, A.esimdi azamat klıent retinde taksıge otyrǵan. Mekenjaıǵa jetkennen keıin, ol júrgizýshiden qońyraý shalý úshin telefonyn surap alyp, sodan soń qashyp ketken. Qaskóı bótenniń telefondaryn satyp, túsken aqshany ózine jumsaǵan, dep habarlaıdy Almaty-akshamy.kz Polisia.kz-ke silteme jasap.
«Jedel-izdestirý sharalary barysynda 33 jastaǵy kúdikti ustaldy. Ol jasaǵan qylmys tizbegi qalanyń bes aýdanyn qamtıdy. Olardyń negizinde sotqa deıingi tergeýdiń biryńǵaı tizilimine QR QK-niń 190-baby boıynsha qylmystyq ister tirkeldi. Qaskóı qamaýda. Aldanǵandardyń kóp bolýy múmkin ekenin joqqa shyǵarmaımyz. Osyǵan baılanysty, azamattardan kúdiktini tanyǵan jaǵdaıda myna telefondarǵa habarlasýdy suraımyz: 8-705-555-77-63; 8-775-747-77-78 jáne 8-778-591-91-35», – dedi Almaly aýdandyq polısıa basqarmasynyń bastyǵy Oljas Sháripov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.