Bul týraly Almaty ákimi apparatynyń basshysy Beıbit Shahanov aıtty, dep habarlaıdy Almaty-akshamy.kz.
«Buryn-sońdy ákimdikte mundaı zal bolmaǵan, sondyqtan jóndeý jumystary kezinde biz 1-qabattyń bir qanatyn arnaıy bóldik. Kelýshi kez kelgen máselemen zalǵa kire alady. Kútý zalyn keń jasadyq. Ári qaraı adam baǵyty boıynsha talon tańdaıdy. Ekrandarda kezek qashan keletini kórinip turady. Sonymen qatar, birden keńes beretin, eger qandaı da bir shaǵym bolsa, ótinishti qabyldaıtyn zal bar. Bul qoǵamdyq qabyldaý dál qazir meılinshe tez sheshim qabyldaýǵa baǵyttalǵan, ıaǵnı mamandar múmkindiginshe barlyq máseleni sheshýge tyrysady. Eger oǵan múmkindik bolmasa, ýaqyt qajet bolsa, ótinish qaldyryp, sheshimińizdi belgilengen tártippen kúte alasyz», - deıdi B.Shahanov.
Munda barlyq jaǵdaı bar, balamen kelgenderge oıyn alańy, ekrandar, oryndyqtar qoıylǵan. Ana men bala bólmesi, múmkindigi shekteýli jandarǵa qolaıly jaǵdaı jasalǵan. Biz ákimdikke keletin azamattar úshin jaǵdaı jasaýǵa barynsha árekettendik.
Azamattardy qabyldaý apparat pen basqarma kóshken kezden bastalady. Meniń oıymsha, buǵan az ǵana ýaqyt qaldy. Biz birtindep kóshe bastaımyz. Qazir keıbir qyzmetkerler kóship keldi.