Qazaqstanda elektr energıasy jyl saıyn qymbattap kele jatyr.
2022 jylǵy mamyrda 8,7 paıyzǵa deıin ósken. Byltyr elektr energıasy 7 paıyzǵa qymbattaǵan edi, dep habarlaıdy Almaty-akshamy.kz
Mamyrda elektr plıtasy bar turǵyndarǵa tarıfter birinshi deńgeıde saǵatyna 100 kılovattqa 1456 teńge, ekinshi deńgeıde 1891 teńge, úshinshi deńgeıde 2354 teńge bolǵan edi. Elektr plıtasy joq halyq úshin tarıf 100 kılovattqa sáıkesinshe 1479, 1907 jáne 2376 teńge boldy.
Qańtar-sáýir aılarynda elektr energıasyn óndirý kólemi saǵatyna 40 mıllıard kılovatt bolǵan, bul byltyrmen salystyrǵanda 0,4 paıyzǵa az. Bul rette óndiris kólemi boıynsha Pavlodar oblysyna búkil Qazaqstannyń 42,6 paıyzy sáıkes keledi.
KOREM operatorynyń málimetteri boıynsha, qańtar-naýryz aılarynda saǵatyna 30,7 mıllıard kılovatt elektr energıasy óndirilgen, bul 2021 jylǵy qańtar-naýryzben salystyrǵanda 0,2 paıyzǵa kóp.
Bir jyl ishinde elektr energıasyn tutyný 1,3 paıyzǵa artyp, 2022 jylǵy qańtar-naýryz aılarynda saǵatyna 30,4 mıllıard kılovatt bolǵan.