Jeńildetilgen avtonesıege qosymsha qarjy bólinbeıdi.
Indýstrıa jáne ınfraqurylymdyq damý mınıstriniń aıtýynsha baǵdarlama ázirge revolverlik júıemen iske asa beredi, dep habarlaıdy Almaty-akshamy.kz Qazaqstan.tv saıtyna silteme jasap.
Iaǵnı 4 paıyzdyq avtonesıege buǵan deıin 100 mıllıard teńge bólingeni belgili. Osy qarjy ıgerilgen soń, mashına alǵan adamdar, nesıeni aı saıyn bankke qaıtara bastaıdy. Sol qaıtqan qarjyǵa, 4 paıyzdyq avtonesıe taǵy berile beredi. Iaǵnı aqsha aınalymda bolyp, proses úzdiksiz júre beredi deıdi mınıstr. Aıtýynsha qazir 10 myńnan astam ótinish maquldanyp, 100 mıllıardtyń 74 mıllıardy ıgerilgen. Qalǵan 26 mıllıardtyń ótinishi qazir qaralyp jatyr. Sondaı-aq mınıstr qazir bankterdiń avtonesıe boıynsha jańa klıentterdi nege qabyldamaı jatqanyn túsindirdi.
"Mysaly, 100 mıllıardqa bizdiń oıymyz boıynsha 15-16 myń mashınany nesıege alýǵa bolady. Qazir 10 myńdaı ótinishti maquldady bankter. Sol sebepti toqtatyp jatqan shyǵar bankter. Adam jalǵan úmitke ıe bolmasyn dep. Óıtkeni bankten ótip, mashına bolmaı, aqsha bolmaı qalsa narazylyq týyndaıdy", - dedi QR Indýstrıa jáne ınfraqurylymdyq damý mınıstri Qaıyrbek Óskenbaev.