Qazaqstanda sońǵy eki jylda 80 aýyl joıylyp ketkeni málim boldy. Bul týraly Májilistegi aýyldyq aýmaqtardy damytý máseleleri jónindegi dóńgelek ústel barysynda depýtat Jıgýlı Daırabaev aıtty, dep habarlaıdy aqshamnews.kz.
Depýtattyń aıtýynsha, 2023 jylǵy 1 qazanǵa qaraı Qazaqstan halqynyń 37,2 paıyzy aýyldyq jerlerde turǵan. Biraq bul kórsetkish jyl saıyn tómendep keledi. Qazirgi tańda Qazaqstanda 6 208 aýyl bar, al 2023 jyly olardyń sany 6 286 bolǵan. Bul degenimiz, tek eki jyl ishinde 80 aýyl joıyldy. Ulttyq statısıka búrosynyń málimetinshe, aýyldardaǵy kóshi-qon saldosy 2023 jyly mınýs 111 400 adamdy qurady.
"Bul - sońǵy 25 jyldaǵy eń tómengi kórsetkish", - dedi Daırabaev.
Depýtat Túrkistan oblysyndaǵy jaǵdaıdy erekshe atap ótip, osy óńirden 29,2 myń adamnyń kóship ketkenin málimdedi.
2024 jylǵy 1 shildedegi jaǵdaı boıynsha Qazaqstanda 6 208 aýyldyq eldi meken bar.