Shyǵys Qazaqstan oblysy ákiminiń orynbasary Darhan Sapanov shekara mańyndaǵy alys aýdandarda ómir súrý jaǵdaıyn jaqsartý úshin keshendi sharalar usyndy, dep habarlaıdy aqshamnews.kz.
Tótenshe tabıǵı-klımattyq jaǵdaı qalyptasqan shekara mańyndaǵy aýyldardyń turǵyndaryna eńbekaqyǵa ústemeaqy engizýdi, sondaı-aq, eńbek ótilin esepteýdiń arnaıy normalaryn belgileýdi usyndy.
Sheneýnik "Dıplommen aýylǵa" baǵdarlamasy boıynsha osyndaı eldi mekenderge kelgen jas mamandarǵa kóterme járdemaqyny úsh esege arttyrýdy usyndy: 100 AEK-ten 300 AEK-ke deıin (2025 jyly 393 200 teńgeden 1 179 600 teńgege deıin).
Ákimniń orynbasary bala týýǵa baılanysty áleýmettik kómekti arttyrýdy da usyndy:
tórtinshi balaǵa deıin 38 AEK-ten 57 AEK-ke deıin (2025 jyly 149 416 teńgeden 224 124 teńgege deıin);
tórtinshi baladan keıin 63 AEK-ten 95 AEK-ke deıin (2025 jyly 247 716 teńgeden 373 540 teńgege deıin).