Balalar densaýlyǵyn saqtaýdaǵy basty jetistikterdiń biri neonatologıadaǵy joǵary mamandandyrylǵan kómekti damytý bolyp tabylady, dep habarlaıdy aqshamnews.kz.
«Neonataldyq hırýrgıanyń damýymen jáne osy tehnologıalardyń óńirlerge aýysýymen týa bitken aqaýlary bar jańa týǵan nárestelerdiń ómir súrý deńgeıi 86%-dy qurady. Ortasha alǵanda, jyl saıyn týa bitken kemistigi bar 1500 jańa týǵan náreste jedel em alady, onyń 40%-y endovıdeohırýrgıa ádisimen operasıa jasalady», - dep atap ótti Densaýlyq saqtaý mınıstri Aqmaral Álnazarova Qazaqstan Respýblıkasy Prezıdentiniń janyndaǵy Adam quqyqtary jónindegi komısıa otyrysynda.
Tıimdi perınataldyq tehnologıalardy engizýdiń, jańa týǵan nárestelerdiń reanımasıasyn damytýdyń arqasynda dene salmaǵy óte tómen balalardyń ómir súrý deńgeıi 4 ese artty.
Qazaqstan Ortalyq Azıada týǵannan bastap kardıohırýrgıalyq operasıalar júrgiziletin jalǵyz memleket bolyp tabylady. Jylyna orta eseppen 2000-ǵa deıin ashyq júrekke operasıa, týa bitken júrek aqaýlary bar balalarǵa, onyń ishinde 75%-y bir jasqa deıingi balalarǵa jasalady.
Elimizde balalar onkologtary men gematologtarynyń dınamıkalyq baıqaýynda qaterli isikterdiń remısıasyndaǵy 4 myńǵa jýyq bala baqylanady, jylyna balalarda 600-ge deıin qaterli isik anyqtalady.
Terapıa ádisteri jetildirilýde, molekýlalyq-genetıkalyq dıagnostıka engizilýde, aǵzany saqtaıtyn operasıalar júrgizilýde, sońǵy 10 jyldyń ishinde elimizde gemopoezdik diń jasýshalaryn, onyń ishinde sheteldik donorlarmen týys emes 452 transplantattaý jasaldy.
Respýblıkada týa bitken damý kemistigi bar balalardy emdeýge arnalǵan 17 erte aralasý ortalyǵy ashyldy jáne jumys isteıdi.