Bıyldan bastap bıznesti retteýdiń jańa tásilderi engizilip jatyr.
Bul týraly Úkimet basshysy Álıhan Smaıylov Úkimettiń keńeıtilgen otyrysynda aıtty, dep habarlaıdy Almaty-akshamy.kz.
Bızneske qoıylatyn basy artyq talaptardy anyqtaý boıynsha aýqymdy revızıa júrgizilýde. Búginde osyndaı 7 myńǵa jýyq talap anyqtaldy, olar joıylady.
Memlekettik baqylaý júıesin reformalaýdyń jańa kezeńi – táýekelderdi basqarý júıelerin avtomattandyrý arqyly tekserýlerden buzýshylyqtardyń aldyn alýǵa aýysý bastaldy.
«Bul jumys kelesi jyly shaǵyn jáne orta bıznes sýbektilerin tekserýge moratorıı merzimi ótkennen keıin aıaqtalýy tıis. Qabyldanyp jatqan sharalar SHOB-ta jumyspen qamtylǵandar sanyn 4,7 mln-ǵa deıin arttyrýǵa múmkindik beredi», - dedi Premer-Mınıstr.
Básekelestikti damytý úshin ekonomıkaǵa memlekettiń qatysýyn qysqartý jalǵasady. Atap aıtqanda, Jekeshelendirý boıynsha keshendi josparǵa qosymsha 171 nysan engizildi, halyq turmysy úshin mańyzy zor sýmen, elektrmen jáne jylýmen jabdyqtaý salalaryndaǵy 200-ge jýyq áleýmettik mańyzy bar nysan alynyp tastaldy, «QazMunaıGaz» halyqtyq IPO ótkizildi.
Sonymen qatar MJÁ tetikterin qaıta jańǵyrtý úshin zańnamalyq túzetýler ázirlendi.