Barlyq óńir men uıym úshin teńgerimdi baǵa alýy tıis.
Elektr energıasyn biryńǵaı satyp alýshy ınstıtýty engiziledi. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy Almaty-akshamy.kz QazAqparatqa silteme jasap.
«Naryqty monopolızasıalaýdyń jarqyn úlgisi elektr energıasyn óndirý jáne jabdyqtaý sanalady. Onda kólbeý monopolıalyq toptar táýelsiz jetkizýshilerdiń naryqqa kirýin shekteıdi. Biz Elektr energıasyn biryńǵaı satyp alýshy ınstıtýtyn engizýge kiristik. Osylaısha, ónimsiz deldaldardy jáne óndirýshilerdiń ózderinen qarajatty burýdy alyp tastaımyz. Qorytyndysynda elimiz barlyq óńir men uıym úshin teńgerimdi baǵa alýy tıis», - dedi Memleket basshysy.
Prezıdent Bas prokýratýranyń janynan arnaıy komısıa qurylǵanyn eske saldy.
«Komısıa zańsyz jolmen alynǵan jáne syrtqa shyǵarylǵan aktıvterdi memleketke qaıtarýmen shuǵyldanady. Men jaqynda arnaıy Jarlyqqa qol qoıdym. Osylaısha, bul baǵyttaǵy jumystyń aıasy naqtylandy. Osy sharýamen aınalysatyn qyzmetter uıymdastyrý jáne kadrlyq jaǵynan kúsheıtiledi. Jumystyń tıimdiligi artady dep senemin», - dedi Qasym-Jomart Toqaev.