Qazaqstannyń shyǵysynda túnde 25-34 aıaz bolady.
«Qazgıdromet» mamandary 13-15 jeltoqsan kúnderi aýa raıynyń qandaı bolatynyn boljady, dep habarlaıdy Almaty-akshamy.kz
Sınoptıkterdiń boljamy boıynsha, aldaǵy úsh táýlikte Qazaqstan aýmaǵy áli de antısıklonnyń yqpalynda bolady.
«Antısıklonnyń áserinen aýa raıy negizinen jaýyn-shashynsyz bolady, tek respýblıkanyń batysynda, shyǵysynda, soltústik-shyǵysynda atmosferalyq frontaldy bólikterdiń ótýimen, qar, jaıaý burqasyn kútiledi. Elimizdiń ońtústigi men batysynda jeldiń jyldamdyǵy 15-20 m/s kúsheıýi boljanady», - delingen sınoptıkterdiń habarlamasynda.
Aýa temperatýrasy elimizdiń soltústiginde túnde 23-31 gradýsqa deıin aıaz, kúndiz 15-28 gradýsqa deıin aıaz, ortalyqta túnde 18-33 gradýsqa deıin, kúndiz 13-23 gradýsqa deıin aıaz, shyǵysta túnde 25-34 gradýsqa deıin aıaz, kúndiz 20-30 gradýsqa deıin aıaz, al elimizdiń batysynda túnde aıaz 0-8 gradýsqa deıin, kúndiz 5 gradýs aıazdan 5 gradýs jylyǵa deıin tómendeıdi, Qazaqstannyń ońtústigi men ońtústik-shyǵysynda kúrt ózgerister kútilmeıdi, túngi aýa temperatýrasy 2-15 gradýs aıaz bolady, kúndiz 7 gradýs aıaz - 3 gradýs jylyǵa deıin azdap joǵarylaıdy.