Qazaqstanda eki jańa zaýyttyń qurylysy júrip jatyr.
Qazaqstanda bir aıdyń ishinde 14 myńǵa jýyq dońǵalaqty tehnıka shyǵaryldy, dep habarlaıdy Almaty-akshamy.kz
Ulttyq statısıka búrosynyń málimetine sáıkes, 2024 jyly sáýir aıynda Qazaqstandaǵy zaýyttarda 13 873 dońǵalaqty tehnıka shyǵarylǵan. Sonyń ishinde 12 926 jeńil kólik bar. Osylaısha, 2023 jyldyń sáýir aıymen salystyrǵanda jeńil kólikterdiń óndirisi 10,5 prosentke ósti.
Jalpy, qańtar-sáýir aılarynda respýblıka boıynsha 47 myń tehnıka shyǵaryldy. Baǵasy - 593,1 mlrd tenge. Byltyr dál osy kezeńde 44,7 dana bolǵan. Bir jyldyń dońǵalaqty tehnıkanyń óndirisi 4,9 prosentke artty. Jyldyq kórsetkishter:
jeńil kólikter - 43 622 dana (+7,8%);
júk kólikter - 2 087 dana (-36%);
avtobýstar - 740 (+22,7%);
Budan bólek, 279 dana tirkeme men jartylaı tirkemeler, sondaı-aq 166 dana basqa da arnaıy tehnıka shyǵaryldy.
Qazir Qazaqstanda eki jańa zaýyttyń qurylysy júrip jatyr. Bireýi Almatyda (Chery, GWM men Changan), ekinshisi Qostanaıda (Kia) ornalasady. Eki óndiris iske qosylsa, qosymsha 7,3 myń jumys orny bolady.