QR Mádenıet jáne aqparat mınıstrligi baspasóz qyzmetiniń habarlaýynsha, bıylǵy festıváldiń "Altyn Kamelıa" atty negizgi baıqaý baǵdarlamasyna qazaqstandyq "Nabat operasıasy" men "Aǵaıyndylar" fılmi qytaı kórermenine kórsetiledi, dep habarlaıdy aqshamnews.kz
"Nabat operasıasy" (rejıser Rashıd Súleımenov) – Qazaqstan quqyq qorǵaý organdary júrgizgen iri arnaıy operasıa týraly shynaıy oqıǵaǵa negizdelgen drama. Fılm "Qazaqfılm" kınostýdıasynda QR Mádenıet jáne aqparat mınıstrligi, Qazaqstannyń Ulttyq kıno ortalyǵynyń qoldaýymen túsirilgen.
"Aǵaıyndylar" (rejıser Darhan Tólegenov) – 15-ten astam halyqaralyq júldege ıe bolǵan fılm. Kartına Germanıada ótken Oldenburg halyqaralyq kınofestıvalinde Spirit of Cinema marapatyn alǵan. Fılmdi Golden Man Media stýdıasy QR Mádenıet jáne aqparat mınıstrligi men Ulttyq kınony qoldaý memlekettik ortalyǵynyń qoldaýymen túsirgen.
Festıváldiń qazylar alqasyna SHYU elderinen 9 belgili kınematograf engen. Olardyń ishinde qazaqstandyq prodúser Tasbolat Merekenov te bar. Qazylar alqasynyń tóraǵasy – Qytaıdyń tanymal prodúseri ári senarısti Jen Chjýnlýn.
Jeńimpazdar 10 nomınasıa boıynsha anyqtalady. Atap aıtsaq, "Úzdik fılm", "Úzdik rejıser", "Úzdik senarı" jáne akterlik sheberlik nomınasıalary bar.
Kınofestıval aıasynda 11 negizgi is-shara josparlanǵan, olardyń qatarynda baıqaý fılmderiniń kórsetilimderi, yntymaqtastyqqa arnalǵan forýmdar, kınotehnologıa kórmesi men Gala-konsert bar.