Byltyr 412 myń sábı dúnıege keldi.
Sońǵy 5 jylda respýblıkada bala týý kórsetkishi artqany baıqalyp otyr, dep habarlaıdy Almaty-akshamy.kz DSM baspasóz qyzmetine silteme jasap.
Al 2021 jyly 446 myń myń náreste dúnıege kelgen.
Mınıstrliktiń málimetinshe, týa bitken aqaýlary bar jańa týǵan nárestelerdiń ómir súrý deńgeıi 86%-dy qurady. Jyl saıyn orta eseppen týa bitken aqaýlary bar 1500 jańa týǵan náreste hırýrgıalyq em alady.
Respýblıka boıynsha balalarǵa medısınalyq kómek kórsetýge 3 232 pedıatr, 773 neonatolog jáne 1 395 balalar anestezıolog-reanımatolog dárigerleri jumyldyrylǵan.
DSM elimizdiń Ortalyq Azıada sábılerge týǵannan bastap kardıohırýrgıalyq ota jasaıtyn jalǵyz memleket ekenin eske saldy.
«Byltyr týa bitken júrek aqaýlary bar balalarǵa 1800-den astam ashyq júrekke ota jasaldy, onyń 75%-y – bir jasqa deıingi balalar. Sheberlik synyptary aıasynda Germanıa men Túrkıadan sheteldik mamandardy tarta otyryp, kúrdeli aqaýlary bar 24 balaǵa operasıa jasaldy. Asa aýyr jaǵdaılarda balalardyń ómirin qutqarý úshin elde telemedısınalyq tehnologıalar men medısınalyq avıasıa júzege asyryldy. Sanavıasıanyń 497 ushýy, onyń ishinde jańa týǵan nárestelerge 271 ushý oryndaldy, 1072 balaǵa medısınalyq kómek kórsetildi», - delingen mınıstrlik taratqan aqparatta.
Mınıstrlik elimizde 11 zamanaýı perınataldyq ortalyq salý máselesi boıynsha jobalaý-smetalyq qujattamany ázirleý jumystary bastalatynyn habarlady.
«Búginde jumys istep turǵan klınıkalardyń bazasynda 5 óńiraralyq balalar kardıohırýrgıasy ortalyǵyn qurý boıynsha jumystar júrgizilip jatyr. Balalarǵa arnalǵan 13 erte aralasý ortalyǵyn, 17 aýdandyq jáne 6 oblystyq ońaltý ortalyǵyn ashý josparlanǵan», - delingen DSM baspasóz qyzmetiniń málimetinde.