Bul suraqqa ÓKQ brıfıńinde Qazaqstan Respýblıkasy Ulttyq ekonomıka mınıstrligi Tabıǵı monopolıalardy retteý komıtetiniń Almaty qalasy boıynsha departamentiniń basshysy Ásel Býdeneeva jaýap berdi, dep habarlaıdy Almaty-akshamy.kz.
«İske qosylǵan aktıvterge tehnıkalyq aýdıt júrgizý tájirıbesin engizý boıynsha qabyldanǵan sharalar ınfraqurylym obektileriniń, ınjenerlik jelilerdiń naqty tozý deńgeıin anyqtaýǵa jáne qajetti sharalardyń qunyn baǵalaýǵa múmkindik beredi», - deıdi Á.Býdeneeva
Osylaısha, árbir monopolıs boıynsha qarjylandyrýdyń jetkilikti deńgeıin anyqtaý úshin ekonomıkalyq jáne tehnıkalyq jaǵdaıyna jeke baǵalaý júrgizilip, keıin olardy derek kózderi boıynsha bólý júrgiziledi.
Qomaqty ınvestısıalar kólemin tartý, sondaı-aq kórsetiletin qyzmetterdiń qunyna júktemeni azaıtý maqsatynda jeńildetilgen búdjettik nesıeleý (qarjylandyrý mólsherlemesin sýbsıdıalaý, uzaq merzimdi nesıelendirý jáne t.b.) mehanızmin qarastyrý usynylady.
Esepti qaraý aıasynda qosymsha tartylǵan ınvestısıalardyń maqsatyna qaraı paıdalanylýy da tekseriletin bolady.
Júrgizilip jatqan reformalardan barynsha joǵary nátıje alý úshin birqatar memlekettik monopolıserdi bir organǵa biriktirýdi kózdeıtin monopolıserdiń qyzmetin retteý tásilderin ózgertý qajet, bul paıdalaný shyǵyndaryn ońtaılandyrýǵa jáne ınvestısıalyq tartymdylyqty arttyrýǵa múmkindik beredi.
Bıyldan bastap júrgizilip jatqan jumystar obektilerine jasalatyn pres-týrlar sheńberinde tabıǵı monopolıalar sýbektileriniń ınvestısıalyq baǵdarlamalaryn iske asyrý monıtorıńine jurtshylyq pen múddeli taraptardyń belsendi qatysýy qarastyrylǵan.
«Investısıaǵa aıyrbas tarıfi» jańa tarıftik saıasatqa kóshý sheńberinde tarıftik retteý tásilderin jetildirý, ınvestısıalardy tartý boıynsha sharalar qabyldaý, tarıftik retteýdi ınstıtýsıonaldyq kúsheıtý, quqyqtyq qamtamasyz etý, sondaı-aq tutynýshylar úshin tarıftik reformanyń áserin baǵalaýdy qamtıtyn jol kartasy ázirlendi.
Baǵdarlamanyń qaǵıdaty negizgi jabdyqtar men jelilerdiń tozýyn jyl saıyn 2-3%-ǵa azaıtý úshin qosymsha ınvestısıa tartýdy kózdeıdi. Tabıǵı monopolıa sýbektileriniń aǵymdaǵy ınvestısıalyq baǵdarlamalary negizinen aǵymdaǵy qorlardy saqtaýǵa jáne jyl saıyn tozýdy 1% sheginde tómendetýge baǵyttalǵan.