Kazakhstan Blockchain Day – krıptoındýstrıa men maınıng naryǵynyń sońǵy úrdisteri men syn-qaterlerin talqylaýǵa arnalǵan jyl saıynǵy is-shara.
2-3 aqpanda «Digital Almaty» halyqaralyq forýmy aıasynda Blockchain Day 2023 ótedi, onda jetekshi sarapshylar Qazaqstanda sıfrlyq aktıvter maınıngi ındýstrıasyn damytý máselelerin, krıptobırjalardy damytý perspektıvalaryn, sondaı-aq Web 3.0 tehnologıalaryn engizýdiń ádisteri men tásilderin talqylaıdy, dep habarlaıdy Almaty-akshamy.kz
Ol biryńǵaı alańda 1000-nan astam tyńdaýshyny – otandyq jáne sheteldik sarapshylardy, krıpto-entýzıastardan bastap memlekettik júıelerdiń ókilderin jáne perspektıvalyq jobalardy ázirleýshilerdi biriktiredi. Sondaı-aq, forýmda «Web 3.0: Jańa Internet revolúsıasy» paneldik sesıasy ótedi, onyń aıasynda blokcheın ındýstrıasy salasyndaǵy sarapshylar men Dúnıejúzilik ekonomıkalyq forýmǵa qatysýshylardyń qatysýymen Web 3.0 tujyrymdamasyn engizý jobasy talqylanady.
Blockchain Day 2023 spıkerleri retinde qazaqstandyq blokcheın-tehnologıalar qaýymdastyǵy tóralqasynyń tóraǵasy Islambek Saljanov, derekter jáne blokcheın salasyndaǵy saıasat jónindegi maman (Úndistannyń Tórtinshi ónerkásiptik revolúsıa ortalyǵy, Dúnıejúzilik ekonomıkalyq forým) Arýshı Goel; «Qazposhta» AQ Basqarma tóraǵasy Ásel Janasova, venchýrlik ınvestor jáne MOST Ventures, Falconry VC qorlarynyń negizin qalaýshy Baqyt Nıazov; Freedom Bank Basqarýshy dırektory Abylaıhan Ospanov, Qazaqstandaǵy blokcheın jáne data-ortalyqtar ındýstrıasy qaýymdastyǵynyń Vıse-prezıdenti Sergeı Pýtra jáne t. b. sarapshylar ózderiniń qatysatynyn rastady.
Forýmnyń negizgi maqsaty – Ortalyq Azıadaǵy blokcheın jáne krıpto-startaptar tehnologıasynyń perspektıvasyn zertteý. Sarapshylar «Búgingi tańda blokcheın jobalary ınvestısıa tartý úshin joǵary áleýeti bar turaqty bıznes pe?» degen mańyzdy suraqqa jaýap berýge umtylady.
Eske salsaq, alǵashqy Kazakhstan Blockchain Day elordada 2021 jyldyń jeltoqsan aıynda Astana Hub alańynda ótti. 2023 jyly forýmdy Almaty qalasynyń ákimdigin jáne qalanyń Sıfrlandyrý basqarmasy, Qazaqstandyq blokcheın tehnologıalar qaýymdastyǵy (KABT), AHQO Tech Hub, MOST bıznes-ınkýbatory, Caspianex krıptobırjasymen, MasterCard, Big One kompanıasy, sondaı-aq White hill Capital basqarýshy kompanıasynyń seriktestigi uıymdastyrdy.
Forýmǵa kirý tegin. Tirkeý https://clck.ru/33Ljv2 saıty arqyly júrgiziledi. Akkredıttelý úshin BAQ-tan aidana@mostfund.vc poshta arqyly habarlasýǵa bolady