Prezıdent Joǵarǵy Sot tóraǵasy Aslambek Merǵalıevti qabyldady
Qasym-Jomart Toqaevqa sot tóreligindegi ózekti máseleler men sot júıesin odan ári jańǵyrtý sharalary týraly málimet berildi, dep habarlaıdy aqshamnews.kz
Prezıdentke sot júıesin sıfrlandyrý jáne daý týdyrmaıtyn ákimshilik quqyq buzýshylyq isteri boıynsha avtomattandyrý jumystary júzege asyrylyp jatqany jóninde baıandaldy.
Aslambek Merǵalıevtiń aıtýynsha, azamattyq jáne ákimshilik ister boıynsha tatýlastyrý rásimderin qoldaný kórsetkishi ósip kele jatyr.
Kezdesý sońynda Memleket basshysy sala kadrlarynyń sapasyn arttyrý, azamattardy sot arqyly qorǵaýdy kúsheıtý, zań ústemdigin qamtamasyz etý jáne sottarǵa degen senimdi arttyrýdyń mańyzyn atap ótti.