Bul týraly Ortalyq komýnıkasıa qyzmetinde ótken brıfıńte QR Oqý-aǵartý mınıstrligi Tárbıe jumysy jáne qosymsha bilim berý departamentiniń dırektory Erlan Qalmaqov málimdedi.
2023 jyldan bastap barlyq bilim berý uıymdarynda «Adal azamat» birtutas tárbıe baǵdarlamasy aıasynda Ata-analardy pedagogıkalyq qoldaý ortalyqtary jumys isteıdi, - dep habarlaıdy Aqshamnews.kz.
Bul ortalyqtardyń basty maqsaty – mektep pen otbasy arasyndaǵy dıalogty kúsheıtý, ata-analardyń bala tárbıesine qatysýyn arttyrýǵa yqpal etý. Osy ýaqyt ishinde ata-analardyń oqý-tárbıe prosesine qatysý deńgeıi úsh esege artqan.
Qazir ata-analar komıtetterin transformasıalaý jumysy júrip jatyr, al qarasha aıynda «mektep – ata-ana – qoǵam» yntymaqtastyǵyn nyǵaıtýdyń jańa alańyna aınalatyn alǵashqy Respýblıkalyq forým ótedi.
Osyǵan oraı, Oqý-aǵartý mınıstrligimen naqty sharalar jasaldy. Ata-analar komıtetteriniń tóraǵalary, synyp jetekshileri, dırektorlardyń tárbıe jumysy jónindegi orynbasarlary, Y.Altynsarın atyndaǵy Ulttyq bilim akademıasynyń, «Órken» ulttyq balalar ál-aýqaty ortalyǵynyń sarapshylary qatarynan jumys toby quryldy.
Transformasıa boıynsha qujattar toptamasy (ata-analar komıtetteriniń jalpy mekteptik, aýdandyq jınalysyn ótkizý senarıleri, qyzmettiń úlgilik qaǵıdalary, jumystyń úlgilik jospary jáne t.b.) ázirlendi.