2025 jylǵy 26–28 qyrkúıek kúnderi Almaty qalasynda Ortalyq Azıa elderiniń «Organık EKSPO-2025» óńirlik forýmy ótedi, - dep habarlaıdy Aqshamnews.kz.
İs-sharany Qazaqstan Respýblıkasy Aýyl sharýashylyǵy mınıstrligi, S. Seıfýllın atyndaǵy Qazaq agrotehnıkalyq zertteý ýnıversıteti jáne «Organık EKSPO-2025» uıymdastyrý komıteti uıymdastyrady.
Forým turaqty jáne organıkalyq aýyl sharýashylyǵyn damytý, ekologıalyq qaýipsiz tehnologıalardy engizý, sondaı-aq halyqaralyq yntymaqtastyqty keńeıtý máselelerin talqylaýǵa arnalǵan alańǵa aınalady.
Negizgi taqyryptar qatarynda:
•aýyldyq aýmaqtardy damytý úshin organıkalyq jáne regeneratıvti aýyl sharýashylyǵyn qoldaý;
•fermerler úshin jańa ekonomıkalyq múmkindikter qurý jáne «jasyl ekonomıka» damytý;
•tabıǵatty saqtaıtyn tehnologıalardy engizý;
•bıoalýantúrlilikti saqtaý jáne aýyl sharýashylyǵy óndirisiniń tıimdiligin arttyrý;
•agrosektordaǵy kómirtek izin azaıtý jáne «jasyl» qarjylandyrý tetikterin damytý.
Sonymen qatar qatysýshylar jastar men jas mamandardy bilim berý baǵdarlamalary arqyly qoldaý, ınovasıalar men ǵylymı ázirlemelerdi tartý, óńirdiń ekologıalyq jáne klımattyq syn-qaterlerin azaıtý úshin halyqaralyq áriptestikti nyǵaıtý máselelerin talqylaıdy.
Forým baǵdarlamasynda memlekettik organdar, halyqaralyq uıymdar, ǵalymdar, bıznes jáne azamattyq qoǵam ókilderiniń qatysýymen plenarlyq otyrys, taqyryptyq baǵyttar boıynsha seksıalyq májilister ótedi.
Sonymen birge Qazaq eginshilik jáne ósimdik sharýashylyǵy ǵylymı-zertteý ınstıtýtynda organıkalyq ónim óndirýshilerimen kezdesýler, Organic Village fermasynda (Almalybaq jáne Bereke aýyldary) sheberlik sabaqtary, sondaı-aq Caspian University aldyndaǵy alańda organıkalyq ónimderdiń kórme-jármeńkesi uıymdastyrylady.
Forýmnyń basty oqıǵalarynyń biri – «Organık Karavan», onda qolónershiler, fermerler, kásipkerler jáne shyǵarmashylyq qaýymdastyqtar tájirıbe almasyp, iskerlik baılanystar ornata alady.
Baǵdarlama aıasynda Almaty oblysyndaǵy sertıfıkattalǵan organıkalyq fermaǵa sapar uıymdastyrylyp, turaqty aýyl sharýashylyǵynyń úzdik tájirıbeleri men jańa tehnologıalary usynylady.