Qazaqstan IAWN asteroıd qaýpin aldyn alýdyń halyqaralyq uıymyna múshe boldy.
Birikken Ulttar Uıymynyń bastamasymen jumys isteıtin mekeme ártúrli elderdiń ǵylymı toptaryn biriktiredi, dep habarlaıdy Almaty-akshamy.kz 24.kz-ke silteme jasap.
Qazaqstan Asy-Túrgen ústirtindegi observatorıaǵa SHOS-400 keńburyshty jańa teleskopty ornatqan soń osy uıymǵa múshe bolýǵa múmkindik aldy. Kólemi shaǵyn, biraq zamanaýı qural qazaqstandyq astrofızıkterge birneshe jańa ǵylymı baǵdarlamany qatar alyp júrýge múmkindik beredi. Birinshi mindeti, jaqyn ǵaryshty baqylap, Jerge taıap kele jatqan aspan denelerin tabady. Ǵaryshtaǵy nysandardy zertteý Chelábi meteorıtinen keıin ózekti bola tústi. Ekinshi baǵyty – ǵaryshtaǵy qoqystardyń orbıtalyq spýtnıktermen soqtyǵyspaýyn qadaǵalaý. Teleskopty ınternet-hattamalar arqyly qashyqtan basqarýǵa bolady. Bul ǵylymı jobalardyń halyqaralyq mańyzdylyǵyn kúsheıte túsedi.
«Mundaı málimetterge áýeli «Qazaqstan ǵarysh sapary» kompanıasy tapsyrys beredi dep oılaımyn. Sebebi olar – Jerdi qashyqtan zertteıtin tómengi orbıtada ushatyn bizdiń spýtnıkterdiń negizgi operatory. Qazir tómengi orbıtada myńdaǵan spýtnık bar. Sondyqtan ózge memleketterdiń operatorlary da bizdiń qyzmetimizge júginedi dep josparlap otyrmyz», - deıdi V.G. Fesenkov atyndaǵy astrofızıkalyq ınstıtýttyń dırektory Shyńǵys Omarov.