Olardyń arasynda jastyqtyń býymen nemese jumyssyzdyqtan ártúrli qylmysqa barǵandar da bar.
Jazaly adamdardy qoǵamǵa tolyqqandy paıdaly adam etip qaıtarýda probasıa qyzmetkerleri túrli tárbıelik-psıhologıalyq is-sharalar ótkizedi, dep habarlaıdy Almaty-akshamy.kz Polisia.kz-ke silteme jasap.
Solardyń biri jýyrda psıholog Ásem Iskakova ótkizgen sottalǵandarǵa psıhologıalyq kómek kórsetý sabaǵy.
«Sottalǵandarǵa kórsetiletin psıhologıalyq kómektiń mańyzy zor. Olardy durys jolǵa baǵyttap, mamandyq alýlaryna jáne jumysqa ornalasýlaryna yqpal etý aıasynda atqarylatyn is-sharalardyń biri osy psıhologıalyq kómek kórsetý. Sottalǵan adam ózin eshkimge keregi joq sıaqty sezinip, qoǵamnan oqshaýlana bastaıdy. Osyndaı taǵdyr tálkegine túskenderdi psıhologıalyq kómek arqyly qaıtadan ortaǵa tartý, kópshilikpen ortaq til tabysýǵa kómektesý qajet. Psıhologıalyq kómektiń maqsaty – sottalǵandardy búgingi kúnniń talabyna saı keletin izdenisterge qyzyqtyryp, patrıottyq jáne otanshyldyq sezimderin arttyrý. Sol arqyly olardyń qalypty ómir bastaýlaryna kómektesý», – deıdi psıholog maman Á.Iskakova.
Túrksib aýdany probasıalyq baqylaý qyzmeti uıymdastyrǵan psıhologıalyq kómekke 50-den astam sottalǵan qatysyp, is-shara sońynda sottalǵandar psıholog-mamanǵa ártúrli suraqtar qoıyp, týystarymen aradaǵy qarym-qatynastaryn durystaýǵa, adal eńbek etýge degen qulshynystaryn bildirdi.