Ulttyq statısıka búrosy Qazaqstanda turatyn adamdar sany týraly naqtylanǵan málimetterdi usyndy.
Vedomstvonyń málimetinshe, 2023 jyldyń 1 shildesinde el halqynyń sany 19 mıllıon 899 myń 377 adamdy qurady, dep habarlaıdy Almaty-akshamy.kz.
Elimizde 12,3 mıllıon adam qalada, 7,5 mıllıon adam aýyldyq mekenderde turady.
Jyl basynan beri halyq sany 132 myń adamǵa ósti, onyń 125 myńy – tabıǵı ósim esebinen (týylǵandar sany ólgender sanynan asyp tústi), 6,6 myń adam – kóshi-qonnyń oń saldosy.
Óńirler arasynda eń kóp halyq sany Almaty qalasynda – 2 191 314 adam. Halyq sany boıynsha Túrkistan oblysy odan keıingi orynda – 2 133 559 adam, Almaty oblysy 1 518 282 adammen alǵashqy úshtikti túıindep tur.
Astana halyq sany boıynsha tórtinshi orynda – 1 383 291 adam, Jambyl oblysy besinshi orynda – 1 222 257 adam.
Aıta keteıik, Qazaqstan halqy 2022 jyly 261 845 adamǵa ósti.