Quny 7 mıllıard teńge.
Bul qylmys boıynsha, 21 adam túrmege qamaldy, arasynda shetel azamattary da bar, dep habarlaıdy aqshamnews.kz Bas prokýratýraǵa silteme jasap.
1 tonnadan astam esirtki zattarynyń 774 kg-y geroın, 155 kg marıhýana, 37 kg gashısh jáne gashısh maıy, 34 kg kóknár, sondaı-aq 1 kg sıntetıkalyq esirtki bar.
"Tárkilengen zattardyń "qara naryqtaǵy" quny 7 mıllıard teńgeden asady. Sondaı-aq Irannan ákelingen geroınniń iri partıasy qolǵa tústi, ony qylmystyq top turmystyq taýarlar retinde jasyrýǵa tyrysqan", - deıdi vedomstvo.
Sonymen qatar Eýropa, AQSH jáne Taılandtan kelgen esirtki zattar salynǵan 50-den astam poshta sálemdemesi ustalǵan.
"Qarjylyq monıtorıń agenttigi AQSH-tan esirtki zattaryn poshta arqyly kontrabandalyq jolmen júıeli túrde jetkizip turǵan arnany joıdy. Nátıjesinde on kúdikti ýaqytsha ustaý ızolátoryna qamalyp, 15 kg kannabıs syǵyndysy jáne 8 kg marıhýana tárkilendi", - deıdi Bas prokýratýra.