Oǵan elimizdiń ár óńirindegi mamandandyrylǵan mektepterden 159 oqýshy qatysýda.
Festıvál 10-11 qańtarda Almaty oblysy Qaskeleń qalasyndaǵy Súleımen Demırel atyndaǵy ýnıversıtette ótedi, dep habarlaıdy Almaty-akshamy.kz Oqý-aǵartý mınıstrligi baspasóz qyzmetine silteme jasap.
Festıvál halyqaralyq FIRST erejeleri boıynsha eki baǵytta ótedi. Birinshi baǵyt – FIRST LEGO League Challenge, oǵan 10-16 jas aralyǵyndaǵy oqýshylar qatysa alady. Ekinshi baǵyt – FIRST Tech Challenge. Onda 12-18 jas aralyǵyndaǵy oqýshylar baq synasady.
«Oqýshylarymyzdyń arasynda robototehnıka tanymal bolyp keledi. Sońǵy úsh jylda 3 myńnan asa robototehnıka kabıneti ashyldy. Sondaı-aq qazaqstandyq oqýshylar robototehnıkadan halyqaralyq jarystarda úzdik nátıje kórsetip keledi. Mysaly, qazan aıynda oqýshylarymyz Jenevada ótken robototehnıkadan FIRST GLOBAL CHALLENGE álem jarysynda jeńiske jetti. Keıin shymkenttik oqýshylar Dortmýnd qalasynda ótken robototehnıkadan halyqaralyq olımpıadada alǵash ret ekinshi oryndy ıelendi. Bul jeńistiń barlyǵy – bizdiń durys baǵytta jumys istep jatqanymyzdyń dáleli. Robototehnıkany damytý jáne tanymal etý úshin «USTEM Robotics» qoǵamdyq qorymen birlesip, mamandandyrylǵan bilim berý uıymdarynyń oqýshylary arasynda alǵash ret respýblıkalyq robottar festıvalin ótkizip otyrmyz. Jarys jeńimpazdary robototehnıkadan Qazaqstan ulttyq quramasy qataryna qosylyp, aldaǵy ýaqytta «FIRST Kazakhstan 2023» respýblıkalyq fınalyna qatysýǵa múmkindik alady, – deıdi «Daryn» respýblıkalyq ǵylymı-praktıkalyq ortalyǵynyń dırektory Ánýar Ýnaıbekov.
Sońǵy eki jylda 2 myńǵa jýyq muǵalim robototehnıka kýrsynan ótken.